BIHOTZ BI, GERRAKO KRONIKAK, Saizarbitoria

Bi atal ditu liburu honen tituluak, Bihotz bi eta Gerrako kronikak, elkarri lotuta. Bi bihotzak, senar-emazteenak, gerran dabiltza, gerra zibilean.
Nobela honetan Saizarbitoriak bikote harremanaren gorabeherak azaltzen dizkigu, gizonaren ikuspuntutik kontatuta. Gizonezko batek bere emaztearekiko benetako sentimentuak garbi adierazten dizkigu (harritzekoa!). Denborak aurrera egin ahala, eguneroko kontuek, huskeriek (arraina frijitzeko modua, Modemako ozpinarekiko gorrotoa...) eragin dituzten haserrealdi eta liskarrengatik okerrera egin du harremanak. Bikote honen amaiera zein den hasieratik dakigu, baina horrek ez dio jakinmina kentzen kontaketari, ederki erakusten baititu autoreak bikote barruko kontuak: senarraren pentsamentuak, egiten dituen txorakeriak, andrea mintzeko modua...Gehienoi gertatu zaizkigun kontuak dira.
Gerrako kronikak, Espainiako Gerra Zibileko kronikak, tabernako lagunek (jende edadetua) gizonari egiten dizkiote arrautza frijituak txorizoarekin jaten dituzten bitartean.
Saizarbitoriak Kandinskyren tradizioa nobelan ere egoki agertzen du gizon-emakumeen arteko harremana, baina hasiberritakoa, gaxtetakoa, eta, oraingo honetan, neskaren ikuspuntutik.