Zazpi Kolore. Jon Arretxe. Elkarlanean

Bidaia liburu honetan, autoreak munduan zehar ezagututako hainbat pertsonen esperientziak helarazten dizkigu. Europa, Asia, Amerika eta Afrika dira eszenatotiak, eta bertan aurkitutako
gizakien sentimendu, arrazonamendu eta jokabideak protagonistak. Pertsona hauek kolore diferentez margotzen dute mundua: beltzaz eta tristuraz Mendebaldeko heriotza, zuriz eta pozaz Ekialdekoa. Esperantza, bildurra edo poza bezalako jarrera, emozio edo koloreak daude. Kolore diferente eta askotan kolorea bera. Berdea, alegia, erabat unibertsala da, berde larretan, zein basamortuko hondarretan norberaren egoera ekonomikoa hobetzeko nahian baitabil gizakia munduan.

Bidaiatzea munduko erdigunea ez garela ulertzea bada, Arretxeren liburuaren irakurketa bidaiaren lehenengo pausoa da. Komendagarria, beraz, estilo narratiboz idatzitako liburu hau, eta ez soilik bidaiak buruan dituztenentzat, baita maletak hartu gabe etxeko sutondotik aire diferente dastatu nahi duenarentzat ere. Gainera, idazleak historiak protagonistekin elkarrizketen bidez jaso eta adierazten dituenez, sinesgarriak egiten dira protagonistak eta historioak. "Garinpeiro" baten ariman edo "zoriontsuak izateko behar dugun guztia daukagula" dioen txiro baten pentsaeran sartu nahi badugu, ezin aukera hobea ematen digu irakurketa honek. Saiatu eta gozatu!