Iturrino Handia

Liburu honetan Hasier Etxeberriak Cosme Iturrinoren gogoetak argitan jarri dizkigu. Lehenengo pertsonan idatzita dago eta bertan, aste batean, bost egunetan hobeto esanda, astelehenetik ostiralera, Iturrinok berak kazetari bati, Hasier Etxeberria idazleari, hainbat istorio kontatzen dizkio.

Liburu honek 121 orrialde baino ez ditu, beraz esan genezake narrazio luze bat edo nobela motz bat dela, Hasierren hitzetan liburutxo bat.

Kontaketa nahiko kaotikoa da; Iturrinoren gogoetek ez baitute orden logikorik jarraitzen. Pertsonaia nagusia Cosme Iturrino bera da, bere sasoian magilari ospetsua, The Great Iturrino edo Iturrino Handia deitzen zioten eta kaxa zatitzailearen asmatzailea. Berarekin batera, eleberrian hainbat pertsonaia agertzen dira batzuk guztiz famatuak: Orson Welles aktore eta zuzendaria, Oja Kodar aktoresa eta Orsonen maitalea eta John Huston aktorea eta arrantzale amorratua eta gainontzekoak fikziozkoak dira.

Fikziotik ateratakoen artean batzuek zirko batean aspaldian elkar lan egin zuten: Ettone Diccino zirkoaren jabea, Iturrinorekin batera kaxa zatitzailearen kidea eta garai horietan bere lagunik handiena; Anne eta Belle ahizpak, gorputz bateko emakume bi eta Iturrinoaren neska-lagunak edo; bita ere, Lucio fakirra, eta Daisy, txakurren erregina.

Falta direnak gaurkoak dira eta Iturrinorekin bizi dira herri txiki batean: Jose Azpiazu Madariaga, ezizenez Josetxo edo Plasma, tabernaria eta gau egun bere lagunik handiena; Don Valentin, herriko abade jauna, alkate jauna eta kultura zinegotzia.

Liburu hau arin irakurtzen da, hizkuntza landua baina erreza idatzita dago, eta baditu pasarte batzuk oso hunkigarriak. Adibidez, zirko sasoian Iturrino eta Anne eta Belle ahizpen arteko harremanak naturaltasunez zelan kontatzen dituen.

Liburu hau bukatu ondoren gogoa ematen dizu Hasier Etxeberriaren beste liburu bat hartzeko eta berriro irakurtzen hasteko. Gehiago jakin nahian edota ase nahian.